"ოქლიფის სკოლის" ქართულენოვანი პროგრამა შედგენილია განათლებისა და მეცნიერების სამინისტროს მიერ დამტკიცებული ეროვნული სასწავლო გეგმის შესაბამისად. ქართული კურიკულუმი მთლიანად მოიცავს იმ საგნებს, რაც ამ გეგმით არის გათვალისწინებული. ამის გარდა, სკოლა მოსწავლეებს სთავაზობს ესგ-თი გაუთვალისწინებელ დამატებით სავალდებულო და არასავალდებულო საგნებს.
თეორიული ცოდნის მიწოდებისთვის სკოლა აცნობიერებს მოსწავლეებში სხვადასხვა უნარებისა და ფასეულობების განვითარების მნიშვნელობას. "ოქლიფის სკოლა" მიზნად ისახავს განუვითაროს მოსწავლეებს პრობლემის გადაჭრის, კრიტიკული და შემოქმედებითი აზროვნების, თანამშრომლობის, კომუნიკაციისა და კვლევის უნარები, ასწავლოს მათ, როგორ მართონ დრო და სივრცე და დაგეგმონ საკუთარი მომავალი, განავითარონ თავიანთი პასუხისმგებლობის გრძნობა და ეთიკა. ეს ყველაფერი დაეხმარება მათ, გახდნენ კონკურენტუნარიანი ინდივიდები და სრულფასოვანი მოქალაქეები.
სკოლისთვის პრიორიტეტულია მოსწავლეებში სამეწარმეო უნარების განვითარება. მოსწავლეებმა უნდა ისწავლონ, როგორ ამოიცნონ ინიციატივები და როგორ აქციონ ისინი მოქმედებად.
სამეწარმეო უნარები მოიცავს კრეატიული მიდგომის, ინოვაციების და რისკების აღების, ასევე დასახული მიზნის მისაღწევად პროექტების დაგეგმვისა და მართვის უნარს. მეწარმეობის საფუძვლების გააზრება ფართო ასპარეზია მოსწავლისთვის, რათა დაგეგმოს, განავითაროს და განახორციელოს ინოვაციური იდეები. ასეთი უნარების მქონე თითოეული ადამიანი ხდება საქართველოს ეკონომიკის განვითარების ხელშემწყობი, რაც თავის მხრივ ზრდის მის სამოქალაქო მოვალეობებსა და პასუხისმგებლობებს.
ქართული ენა და ლიტერატურა
მათემატიკა
I უცხოური ენა (ინგლისური)
II უცხოური ენა (გერმანული/იაპონური)
სპორტი
ისტორია
საქართველოს ისტორია
გეოგრაფია
მოქალაქეობა
სამოქალაქო თავდაცვა და უსაფრთხოება
საგზაო ნიშნები და მოძრაობის უსაფრთხოება
ბიოლოგია
ქიმია
ფიზიკა
საზოგადოებრივი გეოგრაფია
თანამედროვე დასავლური ლიტერატურა
XIX-XX საუკუნის დასავლური ლიტერატურა
აკადემიური ინგლისური
ბიზნეს ინგლისური
ბიზნეს მენეჯმენტი
კარიერული დაგეგმვა
SAT
გამოცდებისთვს მოსამზადებელი პროგრამა (IELTS/TOEFL)