მიღება-ჩარიცხვის პროცედურები ოქლიფის სკოლაში

ქართული კურიკულუმი

მიღება-ჩარიცხვის პროცედურები

გადაწყვეტილებებს მოსწავლეთა ცალკეულ კლასებში საბაზო ან საშუალო საფეხურებზე ჩარიცხვასთან დაკავშირებით, საქართველოს მოქმედი კანონმდებლობით დადგენილი მოთხოვნებისა და სკოლაში ადგილების ხელმისაწვდომობის გათვალისწინებით, იღებს სკოლის დირექტორი.

დადებითი გადაწყვეტილების მიღების შემთხვევაში, დირექტორი გამოსცემს ინდივიდუალურ ადმინისტრაციულ-სამართლებრივ აქტს (ბრძანებას) მოსწავლის ჩარიცხვის შესახებ.

სკოლა უზრუნველყოფს, რომ ბრძანების გამოცემიდან ორი სამუშაო დღის ვადაში, ჩარიცხული მოსწავლის შესახებ მონაცემები და შესაბამისი ბრძანება შეიტანოს ზოგადი განათლების მართვის საინფორმაციო სისტემაში (EMIS).

რეგისტრაციის განაცხადი

კონკრეტულ კლასში საბაზო ან საშუალო საფეხურზე ჩარიცხვის განაცხადის შესატანად, უნდა წარადგინოთ შემდეგი:

• სრულწლოვანი მოსწავლის განცხადება, ხოლო არასრულწლოვანი მოსწავლის შემთხვევაში - მშობლის/კანონიერი წარმომადგენლის განაცხადი, რომელიც უნდა შეიცავდეს:

  • ინფორმაციას განმცხადებლისა და მოსწავლის შესახებ;

  • საცხოვრებელ მისამართს და საკონტაქტო ტელეფონის ნომერს;

  • ჩარიცხვის მოთხოვნას;

  • თანდართული დოკუმენტების სიას;

  • წარდგენის თარიღსა და განმცხადებლის ხელმოწერას.

დოკუმენტები

განაცხადს თან უნდა ახლდეს:

• არასრულწლოვანი მოსწავლის შემთხვევაში, მშობლის ან კანონიერი წარმომადგენლის პირადობის მოწმობის ასლი და საქართველოში ბინადრობის დამადასტურებელი დოკუმენტის ასლი (ასეთის არსებობის შემთხვევაში);

• იმ საგანმანათლებლო დაწესებულების მიერ გაცემული ცნობა ან საქართველოს კანონმდებლობით გათვალისწინებული სხვა დოკუმენტი, რომელიც ადასტურებს პირის მიერ იმ სახის განათლების მიღებას, რომელიც წინ უძღვის ჩასარიცხი კლასის განათლებას. პირი თავისუფლდება აღნიშნული ცნობის/დოკუმენტის წარმოდგენისაგან უცხოეთში მიღებული განათლების აღიარების საფუძველზე, ცალკეულ კლასში ჩარიცხვის შემთხვევაში.

გასაუბრება და ტესტირება

1. მოსწავლის ჩარიცხვისას სკოლა ესაუბრება მოსწავლეებს. გასაუბრებისა და ტესტირების მეშვეობით, მოწმდება ინგლისური ენისა და მათემატიკის ცოდნის დონე, ხდება ინტერესების სფეროს გამოკვლევა, რომლის მიხედვითაც ხდება შემდგომში მოსწავლეების სხვადასხვა პროექტებში/აქტივობებში შეთავაზება.

ამავე გასაუბრების შედეგად ხდება კარიერის დაგეგმვისთვის მოსწავლის ინტერესებისა და შესაძლებლობის განსაზღვრაც.

2. საერთაშორისო პროგრამის ფარგლებში სკოლა მოსწავლეებს დამატებითი მომსახურების სახით სთავაზობს უცხოური ენებისა და მათემატიკის საგნობრივ ჯგუფში შემავალ სხვადასხვა საგნებს (მაგ: მათემატიკასა და სტატისტიკას, ბიზნესის საფუძვლებს, ეკონომიკას, ბუღალტერიას, SAT (ვერბალური მათემატიკური ნაწილები) და ა.შ)

IB-ის სადიპლომო პროგრამა

ოქლიფის სკოლა ორიენტირებულია ინკლუზიურობაზე და იღებს ყველა ეროვნების, ეთნიკური წარმომავლობის, რასისა და რელიგიის მოსწავლეებს. განაცხადების განხილვისას, ჩვენ ვითვალისწინებთ თითოეული მოსწავლის წინარე საგანმანათლებლო და ენობრივ გამოცდილებას.

მიღების მოთხოვნები

სადიპლომო პროგრამაზე ჩარიცხვის უფლების მოსაპოვებლად, ოქლიფის სკოლის მოსწავლეებმა წარმატებით უნდა დაასრულონ ზოგადი განათლების მე-10 კლასი. გამონაკლის შემთხვევებში, კანდიდატურა შეიძლება განხილულ იქნეს ამ სტანდარტული მოთხოვნის დაკმაყოფილების გარეშე, თუ მათ დაამტკიცეს ინგლისურისა და მათემატიკის შესაბამისი ცოდნის დონე.

სხვა სკოლიდან გადმოსვლის მსურველებმა წარმატებით უნდა დაასრულონ MYP 5, IGCSE ან ზოგადი განათლების მე-10 კლასი. გარდა ამისა, სტუდენტებმა უნდა გაიარონ მისაღები გამოცდა, რომელიც მოიცავს ტესტირებას ინგლისურ ენასა და მათემატიკში. შერჩევის პროცესის ფარგლებში ყველა პოტენციურ მოსწავლეს, ასევე, მოეთხოვება IB-ის სადიპლომო პროგრამის კოორდინატორთან ოფიციალური გასაუბრების გავლა.

ენობრივი მოთხოვნები

პროგრამაზე მოსახვედრად, ყველა მოსწავლემ უნდა დაადასტუროს ინგლისური ენის ცოდნის დონე, რომელიც ექვივალენტურია ენების საერთო ევროპული საცნობარო ჩარჩოს (CEFR) B2 დონისა.

ოქლიფის სკოლაში ჩარიცხვისთანავე, ყველა მოსწავლე გაივლის ინგლისური ენის ცოდნის დიაგნოსტიკურ შეფასებას. თუ გამოვლინდება დამატებითი დახმარების საჭიროებები, მათ გაეწევათ შესაბამისი დახმარება აკადემიური წარმატების უზრუნველსაყოფად.

ინკლუზიურობა და ხელმისაწვდომობა

ოქლიფის სკოლა ინკლუზიური მიდგომისკენ ისწრაფვის, რაც უზრუნველყოფს, რომ ყველა მოსწავლეს ჰქონდეს საჭირო მხარდაჭერა საგანმანათლებლო პროგრამაში სრულად მონაწილეობისთვის. მიღების პოლიტიკა მოიცავს სპეციფიკურ პირობებს სპეციალური საგანმანათლებლო საჭიროების მქონე (სსსმ) და ტრანსფერირებული მოსწავლეებისთვის. სკოლა უზრუნველყოფს გონივრულ ადაპტაციას სპეციალური საგანმანათლებლო საჭიროების მქონე მოსწავლეებისთვის, IB-ის სახელმძღვანელო პრინციპებისა და ინკლუზიურობის პრინციპების შესაბამისად. ეს ადაპტაციები შეიძლება მოიცავდეს კორექტირებულ შეფასებებს, საკლასო მხარდაჭერას ან დამატებით რესურსებს.

ტესტირება და გასაუბრება

IB DP-ის აპლიკანტები ჩააბარებენ მისაღები გამოცდებს ინგლისურ ენასა და მათემატიკაში. ისინი ასევე გაივლიან გასაუბრებას DP კოორდინატორთან.

მიღების პროცედურები

სკოლა სასწავლო წლისთვის განაცხადების მიღებას იანვარში იწყებს. მშობლებმა უნდა შეავსონ განაცხადის ფორმა და წარმოადგინონ საჭირო დოკუმენტები. მიღება განისაზღვრება შემდეგი კრიტერიუმების საფუძველზე:

• ინგლისური ენის დიაგნოსტიკური ტესტის წარმატებით ჩაბარება მინიმუმ B2 (CEFR) დონეზე;

• მათემატიკის დიაგნოსტიკური ტესტის წარმატებით ჩაბარება HL-ისთვის მინიმალური სავალდებულო ქულით - 70%; SL-ისთვის, მიღების შესახებ გადაწყვეტილება მიიღება თითოეული აპლიკანტის ინდივიდუალურად განხილვის შედეგად.

• ინტერვიუს წარმატებით გავლა.

• აპლიკანტის ბოლო ორი წლის აკადემიური მოსწრების განხილვა;

• სკოლის დირექტორის საბოლოო თანხმობა.

მიღების შესახებ საბოლოო გადაწყვეტილება შეფასებიდან 10 სამუშაო დღის განმავლობაში ეცნობებათ. თუ სტუდენტს პროგრამის აკადემიური მოთხოვნების დაკმაყოფილება უჭირს, დაიგეგმება სადიპლომო პროგრამის კოორდინატორთან შეხვედრა.

საბოლოო ჩარიცხვის ბრძანება

დირექტორი გამოსცემს ოფიციალურ ჩარიხვის ბრძანებას.

საჭირო დოკუმენტები ბავშვის ჩარიცხვისთვის:

• ორივე მშობლის პასპორტისა და პირადობის მოწმობის, ასევე მოსწავლის პასპორტისა და პირადობის მოწმობის ასლები

• მოსწავლის დაბადების მოწმობის ასლი

• ბოლო ორი წლის ოფიციალური სკოლის ნიშნების ტრანსკრიპტი

• მოსწავლის ორი ბოლოდროინდელი ფოტო

სპეციალური საგანმანათლებლო საჭიროების მქონე მოსწავლის ჩარიცხვის შემთხვევაში აუცილებელია შესაბამისი მულტიდისციპლინური გუნდის დასკვნა, ინდივიდუალური სასწავლო გეგმა და ჯანმრთელობის მდგომარეობის შესახებ განცხადება.